Kon nos por yuda?
Kuido ofresé
Dunadónan di yudansa semper ta kuminsá ku e proseso dor di hasi pregunta na abo komo persona ku tin mester di yudansa. Kon abo por forma na bo bida segun bo propio deseonan? Kiko bo mes por hasi? Den kua áreanan bo mester di sosten òf yudansa? E preguntanan ei ta para sentral den nos aserkamentu. Huntu ku bo nos ta reuní i klasifiká bo deseo, posibilidat i limitashonnan. Di einan nos ta ban traha riba loke pa abo ta importante.
Hopi bia na promé instante bo ke redusí bo kehonan. Nos tin bon tratamentunan pa esei. Pero bo ta mas ku bo afekshon òf malesa. Kisas tin otro kos tambe ku bo ke mehorá den bo bida. Por ehèmpel: kuida bo mes mas mihó, traha riba bo kondishon, anda di otro manera ku plaka i tempu, hasi kos agradabel ku otro hende. Ahustenan chikitu hopi bia por sòru ku bo ta sinti bo mas konfortabel den bo mes kurpa.
Klínika Capriles su meta ta pa klientenan haña e kuido ku ta kuadra ku henter e persona, salí for di e vishon ku no por separá kurpa i mente. Dor di intervení trempan, klínika ke prevení ku bo ta pega riba vários área di bida, tantu na kas komo na trabou. Un plan di tratamentu por konsisití di vários komponente:
- Kombersashon: terapia kognitivo di kondukta, sikoterapia, terapia den grupo, relashon òf famia
- Tèst i eksaminashon
- Tratamentu ku remedi
Tratamentu poliklíniko
Durante un tratamentu poliklíniko bo ta keda biba na kas i ta bai Poli pa kombersashonnan i otro tratamentu. Bai trayekto di kuido
Tratamentu klíniko
Den klínika ta asigná bo un lugá di biba temporal i anochi tambe bo ta keda riba tereno di Klínika Capriles. Bai trayekto di kuido
Kuido ambulante
Kuido ambulante ta nifiká ku e dòkter, sikólogo òf enfermera/bruder ta bini serka bo. E tratamentu òf guia ta sosodé gewon na bo propio kas. Bai trayekto di kuido
Un atmishon ta un suseso impaktante pa tur hende. E sosten di famia i amsitatnan ta hopi importante. Bishitantenan ta semper bon niní. Un kliente interná sigur ta apresiá ora yu, mayor, wela/tawela òf amigunan bin di bishita, ounke tin biá nan no por ekspresá esei bon. Kontakto ku mundu pafó, pafó di klínika ta importante pa e rekuperashon, alabes esaki ta duna distraishon i alegria.
Por pasa ku ta disidí na posponé bishita temporalmente. Esaki mayoria bia tin di aber ku e kondishon di e kliente interná. Esaki ta asosodé den deliberashon ku e persona di kontakto di e kliente.
Orario di bishita
Djaluna – djaweps: 07:30 – 12:00 or / 13:30 – 17:00 or
Djabièrnè: 07:30 – 12:00 or / 13:30 – 16:30 or
Komo esun ku ta referí, bo ta forma un parti importante den e dunamentu di yudansa. Abo huntu ku bo kliente ta determiná si un referensia ta nesesario. Bo por mèldu kliente pa diagnóstiko, tratamentu i guia. Banda di esei nos ta disponé di posibilidatnan pa yudansa agudo den kaso di un krísis sikiátriko.
Ken mag referí?
Pa un tratamentu mester di un referensia ofisial. Klientenan no por mèldu nan mes. Nan famia òf kuidadó tampoko no por hasi esaki. E dòkter di kas ta e úniko ku por referí pa Klínika Capriles. Tantu kliente komo famia òf kuidadó por pidi un referensia serka nan dòkter di kas.
Bo ta señalá den bo ambiente ku un hende mester di yudansa pa un problema mental? Konseh’é e ora ei pa tuma kontakto ku su dòkter di kas. Keda skucha e persona semper ta yuda. Kompañ’é bai dòkter tambe ta un bon manera pa sostené e persona.