Kon nos por yuda?

Trayekto di kuido​

Dunadónan di yudansa semper ta kuminsá ku e proseso dor di hasi pregunta na abo komo e persona ku tin mester di yudansa. Kon abo por forma bo bida segun bo propio deseonan? Kiko bo mes por hasi? Den kua áreanan bo mester di sosten òf yudansa? E preguntanan ei ta para sentral den nos aserkamentu. Huntu ku bo nos ta reuní i klasifiká bo deseo, posibilidat i limitashonnan. Di einan nos ta ban traha riba loke pa abo ta importante.

Hopi bia na promé instante bo ke redusí bo kehonan. Nos tin bon tratamentunan pa esei. Pero bo ta mas ku bo afekshon òf malesa. Kisas tin otro kos tambe ku bo ke mehorá den bo bida. Por ehèmpel: kuida bo mes mas mihó, traha riba bo kondishon, anda di otro manera ku plaka i tempu, hasi kos agradabel ku otro hende. Ahustenan chikitu hopi bia por sòru ku bo ta sinti bo mas konfortabel den bo mes kurpa.

Kuido ambulante ta nifiká ku e dòkter, sikólogo òf enfermera/bruder ta bini serka bo. E tratamentu òf guia ta sosodé gewon na kas. Bai trayekto di kuido.

Den klínika ta asigná bo un lugá di biba temporal i anochi tambe bo ta keda riba tereno di Klínika Capriles. Bai trayekto di kuido.

Klínika Capriles su meta ta pa klientenan haña e kuido ku ta kuadra ku henter e persona, salí for di e vishon ku no por separá kurpa i mente. Dor di intervení trempan, klínika ke prevení ku bo ta pega riba vários área di bida, tantu na kas komo na trabou. Un plan di tratamentu por konsisití di vários komponente:

  • Kombersashon: terapia kognitivo di kondukta, sikoterapia, terapia den grupo, relashon òf famia
  • Tèst i eksaminashon
  • Tratamentu ku remedi

 

Durante un tratamentu poliklíniko bo ta keda biba na kas i ta bai Poli pa kombersashonnan i otro tratamentu. Bai trayekto di kuido.