Yudaboyu

Ken nos ta?

Nos mishon

Sikiatria pa mucha i hóben ta un spesialismo médiko dirigí riba investigá i trata estorbonan individual di pensamentu, sintimentu i komportashon serka mucha i hóben.

Yudaboyu ta ofresé tratamentu i kuido sikiátriko i sikológiko na mucha i hóben te ku 18 aña i nan famia i asin’akí ta kontribuí na un desaroyo optimal di e mucha òf e hóben den un ambiente ku ta sigur i stabil. Yudaboyu ta usa un aserkamentu integral di tratamentu den kual kolaborashon i interakshon ku e ret di e kliente i instansianan konserní ta para sentral. Edukashon, diagnóstika, tratamentu, guia i intervenshon di krísis ta su tareanan mas importante.

Nos afirmashon di mishon ta:

Huntu desaroyá sigur

Vishon di kuido
  1. Yudaboyu ta ofresé mucha i hóbennan ku un problema sikiátriko i nan ambiente un oferta di kuido kompleto i profeshonal. Un tratamentu por ta solamente efektivo si henter e ret rondó di e mucha/hóben ta inkluí.
  2. Yudaboyu ta un institushon di kuido di segunda liña, rekonosé pa gobièrnu i finansiadónan. Pa dòkternan di kas, Yudaboyu ta e instansia mas lógiko pa referí mucha i hóbennan ku un (sospecho di) problema sikiátrikois pa skrin, dignóstika i tratamentu. A base di un promé evaluashon Yudaboyu ta determiná si ta e ta e lugá adekuá pa diagnóstiko i tratamentu, òf si un referensia pa promé liña ta deseabel.
  3. E kuido ku ta ofresé ta amplio i ta konsistí di: un poliklínika, tratamentu ambulante, un fasilidat di tratamentu partaim, un fasilidat pa atmishonnan di krísis i un posibilidat pa atmishon klíniko.
  4. Yudaboyu pone e aksènt riba trahamentu dirigí riba sistema durante un tratamentu. Forsanan, posibilidatnan i nesesidatnan di e kliente ta sentral den e tratamentu. E tratamentu ta tuma lugá den relashon ku e ambiente, pues huntu ku kas, famia i skol. Durante un atmishon parsial òf di krísis tambe ta traha intensivamente huntu ku e ret, di manera ku baimentu kas bèk tin un chèns mas grandi di kana bon. Ta hasi todo por todo pa mas tantu posibel un mucha keda bai su mes skol di manera ku no mester kibra kontaktonan sosial.
  5. Garantisá un klima (mas) seif (posibel) na e mucha, ta forma un promé kriterio pa e eskoho di tratamentu i e manera di traha huntu ku tur esnan ku ta duna sosten den e ret. Nos ta traha huntu segun e método di Signs of safety.
  6. Ta duna preferensha na e formanan ambulante di tratamentu. (poliklíniko, tratamentu ambulante i tratamentu parsial) kaminda e mucha/hóben por keda biba na kas. Atmishon di krísis òf un atmishon klíniko di mucha i hóben den tur kaso ta komo parti di en trayekto ambulante di tratamentu. Un atmishon ta tuma lugá solamente pa un periodo kòrtiku i únikamente si ku otro tratamentunan a logra insufisiente resultado i pa e motibu ei mester di diagnóstiko / tratamentu mas intensive. Despues di retiro for di atmishon di krísis, e tim di tratamentu ambulante ta kai aden atrobe. Un meskla di adulto i hóben durante un atmishon di krísisi ta indeseabel; e fasilidat ku ainda mester realisá pa atmishon di krísis di mucha i hóben mester ta separá for di e akomodashon klíniko pa adulto.
  7. A sikiatria di mucha i hóben ta kanda drenta sikiatria di adulto sin barera (sikiatria di transishon). Esaki ta partikularmente importante ora muchanan ku un problema sikiátriko króniko yega e edat di adulto. Yudaboyu a palabrá den e kuadro akí ku Klinika Capriles kon pa laga e transishon kana mas optimal posibel pa klientenan.
Nos balornan núkleo

GGz Curaçao ta manehá un kompas étiko ku ta duna rumbo na e manera ku nos ta traha den nos fundashonnan. E kompas akí ta enserá tres balor núkleo ku ta den liña ku nos vishon i ta yuda realisá nos metanan.

Kompromiso

Nos ta komprometé na klientenan, koleganan i komunidat. Saliendo for di un sintimentu di union i igualdat, nos ta kontribuí na loke Yudaboyu ta para p’é.

Kapasidat

Nos ta kapasitá den nos profeshon. Kliente i koleganan sa kiko nan mag di spera di nos. I nos ta siña kontinuamente pa tene nos konosementu na nivel.

Konfiabilidat

Nos ta konfiabel. Palabra ta palabra. Nos ta hasi loke kliente i koleganan mag di spera di nos.