Danki na un donashon generoso di AFAS Foundation, awor kliente i trahadónan di e fundashonnan di GGz Curaçao por hasi uso di nan propio gym.
Den kurso di aña tras di lomba a ahustá e edifisio di e ántes waserèi riba tereno di Klinika Capriles di tal forma ku e por sirbi komo gym. Ku e kontribushon di AFAS Foundation por a kumpra tur aparato nesesario pa realisá un ful gym kaminda por ofresé i organisá posibilidatnan di deporte i fitness fásilmente alkansabel pa kliente i trahadónan.
