GGz Curaçao

Ken nos ta?

Komo fundashon mama, ‘Stichting Geestelijke Gezondheidszorg Curaçao’ (GGz Curaçao) ta responsabel pa garantisá e konsistensia di kuido di e institutonan afiliá ku ta ofresé kuido riba tereno di salú mental.

GGz Curaçao ta manehá i ta duna sosten na:

E fundashonnan akí ta ofresé nan servisio na komunidat di Kòrsou i huntu nan ta konta alrededor di 300 trahadó.

Nos mishon

Nos ta konsiderá tur hende komo igual, apesar ku tin biaha e diferensianan por ta grandi. Tur hende ta buska felisidat, amor, rekonosementu i satisfakshon i tur hende tin mesun derecho riba esei. Tambe hendenan ku pa motibu di problemanan mental, riba nan mes forsa no por logra duna kontenido na un bida felis i ku sentido.

GGz Curaçao ta dirigí su mes riba mantenshon, rekuperashon i promoshon di e salú mental di hende ku problemátika sikososial i/o sikiátriko i di esnan ku ta kore e riesgo pa desaroyá e problemátika aki, i ta sali na defensa di tur prekondishon nesesario pa logra esaki.

Den nos trabou nos ta laga e siguiente ponensia guia nos:

Huntu traha na kresementu i rekuperashon

Nos vishon

Nos vishon ta duna e bista ku nos tin di futuro i kiko ta nos ambishonnan na plaso largu. Pero tambe: “kiko nos ta para p’é, kiko ta konektá nos, ken nos ke ta?”

Nos vishon ta konsistí di dies parti, kompletá ku tres balor núkleo:

  1. Ta ofresé kuido di salú mental na Kòrsou for di un totalidat koherente di fasilidat. E fasilidatnan akí ta organisá den vários fundashon. GGz Curaçao ta proveé e maneho di e fundashonnan akí i di e manera akí ta garantisá e relashon i kordinashon mutuo. Den esaki ta rekonosé ku e diferente fundashonnan ta sirbi nan propio gruponan di kliente i mester di un sierto libertat pa por reakshoná di nan mes manera riba e petishon di nan gruponan di kliente 
  2. GGz Curaçao ta brinda su fundashonnan un skala kompleto di servisionan di sosten i di tal manera ku e ta kontestá e espektativa di e fundashonnan pa loke ta trata e nivel di e servisio akí. Pues ta trata di un relashon kliente-suministradó.
  3. Den e límitenan di loke ta alkansabel, e fundashonnan di GGz Curaçao ta traha bon huntu ku tur stakeholder relevante pa e grupo di enfoke. Bou di stakeholder nos ta enserá en todo kaso e ret sosial di e kliente, dunadónan di trabou, kompania i skol, dunadónan di kuido i organisashonnan sosial.
  4. E guía na personanan ku problema síkiko ta dirigí riba kresementu i rekuperashon i di tal forma ku e personanan akí ta ekperensiá nan eksistensia komo felis i ku sentido (atrobe). Karakterístika den esaki ta ponementu di e kliente sentral ku rekuperashon komo meta i rehabilitashon komo método. Ta bai pa (re)integrashon di e kliente den komunidat.
  5. Tur fundashon di GGz Curaçao ta duna kontenido na e konsepto ‘ambiente kurativo’. Un ambiente kurativo ta keda kreá dor di edifisionan trankilisante ku un interior agradabel. Enbolbimientu aktivo di famia i komunidat tambe ta forma parti di un ambiente kurativo. E papel ku trahadónan por hunga den stimulá e ambiente akí ta haña hopi atenshon.
  6. GGz Curaçao i su fundashonnan ta brinda produkto i servisionan na nivel haltu i ku esei ta kumpli ku espektativa di klientenan, gobièrnu i finansiadónan tin di nan. Aparte di e kuido na klientenan ta pensa tambe den esaki na servisionan na otro partido den kual kolega-institutonan di kuido.
  7. Kaminda ta relevante i ku sentido, e fundashonnan di GGz Curaçao ta dirigí nan mes riba prevenshon di problema síkiko bou di gruponan vulnerabel. Esaki saliendo for di e pensamentu ku señalamentu i intervenshon trempan ta sirbi e kliente i su ambiente e mihó.
  8. Innovashonnan riba tereno di kuido pa salú mental ta sali parsialmente for monitoreo di desaroyonan internashonal i determinashon di e posibel nifikashon pa GGz Curaçao, su fundashonnan i nan gruponan di enfoke.
  9. Den su maneho GGz Curaçao tin atenshon pa anda responsabel i inovativo ku e rekursonan na su disposishon. E ta rekonosé e importansia di un uso kuidadoso di e medionan finansiero i prinsipionan di bon dunadó di trabou ta guia su maneho di personal. Banda di esaki, GGz Curaçao ta deseá di karga un responsabilidat sosial dor di apliká ideanan den kuadro di un ekonomia bèrdè, es desir anda di forma duradero ku e rekursonan disponibel.
  10. Kolaboradónan ta traha huntu den un kultura ku ta sigur. Un kultura asina ta karakterisá su mes dor ku kolaboradónan ta sinti nan mes liber pa krítikamente wak nan mes aktuashon i esun di un otro i tambe hasi ku por papia di esaki pa huntu for siña for di dje. Kolaboradónan ke tambe ku klientenan ta den bon man. Ofresé kuido sigur na klientenan ta forma un meta komun di tur kolaboradó.

Nos balornan núkleo

GGz Curaçao ta manehá un kompas étiko ku ta duna rumbo na e manera ku nos ta traha den nos fundashonnan. E kompas akí ta enserá tres balor núkleo ku ta den liña ku nos vishon i ta yuda realisá nos metanan.

Kompromiso

Nos ta komprometé na klientenan, koleganan i komunidat. Saliendo for di un sintimentu di union i igualdat, nos ta kontribuí na e mishon di GGz Curaçao.

Kapasidat

Nos ta kapasitá den nos profeshon. Kliente i koleganan sa kiko nan mag di spera di nos. I nos ta siña kontinuamente pa tene nos konosementu na nivel.

Konfiabilidat

Nos ta konfiabel. Palabra ta palabra. Nos ta hasi loke kliente i koleganan mag di spera di nos.

Organisashon den un bista

Maneho diario ta den man di Konseho di Direkshon, señor Henk Kamsteeg.

GGz Curaçao konosé e modelo di Konseho di Supervishon. E tarea i kompetensianan di e Konseho di Supervishon ta ankrá den statutonan di fundashon, den e propio reglamentu i esun di Konseho di Direkshon. E Konseho di Supervishon ta supervisá funshonamentu di e maneho i ta evaluá (e miembronan) di e Konseho di Direkshon.

E Konseho di Supervishon ta konstistí di:

Sra. dr. mr. R. Martina-Joe, sikólogo, hurista, presidente
Sr. E.L. Jacobus, médiko, miembro
Sra. drs. G. Schorea, RA, CAMS, miembro
Sra. D. Sluis-Bazoer, miembro/HR
Sr. B.P. Bito, miembro/finansas