Kalidat di kuido

Pa GGz Curaçao mehorashon di e kalidat di kuido ta un proseso kontinuo. Kon nos pashèntnan ta eksperensiá e kuido duná? Kiko nan ta haña di e suministro di informashon i e bos ku nan tin den e tratamentu? Pa haña kontesta riba e preguntanan akí, nos ta pidi nos klientenan yena e asina yamá “GGz thermometer”.

Mi no ta satisfecho. Kiko awor?

Duna bon kuido i skucha deseonan di nos klientenan ta kos ku nos ta haña importante den GGz Curaçao. Mayoria di nos klientenan ta satisfecho u e kuido. Tòg por ta asina ku bo ta di opinión ku no a tratá bo manera mester ta, òf ku kosnan por a kana mihó. Den e kaso ei, komo kliente òf komo famia/kuidadó, bo por akudí na e komishon di keho.

Nos ta konsehá pa promé ku tur kos ekspresá bo malkontentu òf keho na e persona konserní. Si bo ta sinti bo inkómodo pa hasi esaki, bo por aserká su hefe. Si esaki no trese e resultado deseá, bo por akudí tambe na dirèksi.

Si tratamentu interno di bo keho no ta hiba bo na un solushon satisfaktorio òf si bo ta deseá un veredikto independiente, abo òf bo famia por akudí na e Komishon di keho independiente di Federashon di kuido (Zorgfederatie). Semper bai bo ta liber pa entregá bo keho mésora na e Komishon di keho.