Méskos ku vários instituto di kuido riba nos isla, GGz Curaçao tambe ta hañand’é konfrontá ku preshon riba e kuido, ku vários departamentu den karentena pa motibu di kontagionan tantu bou di kliente komo personal.
I no opstante ku nos ta apresiá i balorá tur bishita na nos kliente i habitantenan i ta konsiente di e balor agregá ku e por tin den rekuperashon di e persona, seguridat i salú di nos kliente, habitante, personal i bishitante ta na promé lugá pa nos. P’esei, entrante 5 di yanüari 2022, Klinika Capriles ta sera su portanan pa tur bishitante.
- Nos ta urgi pa tene kontakto via telefòn òf app.
- Ora trese paña/artíkulo pa hende ku ta interná, por laga esaki serka pòrtir. Djei nan lo sòru pa e pertenensianan yega serka e persona konserní