Kuido ofresé

Biba na eskala chikitu i ku guia

Mi ke biba na eskala chikitu òf ku guia.

Biba na Fundashon Sonrisa por Brinda un solushon pa por para mas rib abo mes pia. Nos konos dos forma di biba, kada ku su propio nivel di independensia. Na Fundashon Sonrisa bo por biba ‘na eskala chikitu’ (ántes yamá bibienda protegá) i ‘biba independiente ku guia’.

Tin 10 studio riba e tereno di e sentro di aktividat, i 20 studio riba e tereno di Fundashon Kas Popular. Banda di esei tin tambe kas dos-bou-di-un-dak riba e tereno. Einan tin lugá pa 6 persona. Tambe ta hür algun apartamentu den bario kaminda bo por biba riba bo mes ku guia.

Biba na eskala chikitu

E 20 studionan mueblá kada ta konsistí di un sal/dormitorio ku labaplato, ducha i wc. Enfoke di e guia na habitantenan ta riba huntu buska solushonnan pa problemanan diario ku e klientenan ta dal den dje. Aki e habitante ta haña hopi sosten di e guianan. E otro 10 studionan ta ubiká na e otro banda di e tereno di Fundashon Sonrisa. Esakinan tin banda di e sala un dormitorio separá. E habitantenan mes ta sòru pa nan kuminda i ta trata na riba nan mes haña solushon pa problemanan diario. Semper bai nan por hasi un apelashon pa yudansa di e guianan si esaki ta nesesario.

Biba rib abo mes ku guia

Den e apartamentunan den bario e hendenan ta biba práktikamente kompletamente independiente. Guianan ta bul’aden solamente si kos ta parse na bai sali fo’i man.

Registrá pa un abitashon

Ku yudansa di un enfermera/bruder sosialsikiátriko, sikiater, dòkter di kas òf otro profeshonal bo por registrá. Ora e formulario di registrashon drenta, e tim di Fundashon Sonrisa ta diskutí bo petishon. Nos ta wak kua forma di biba ta pas mas ku bo. Tin bia ta yama pa informashon adishonal. Si bo ta kai den e grupo di enfoke di Fundashon Sonrisa, bo ta usa fielmente bo remedi i bo tin bo dunadó di tratamentu òf pronto ta bai haña un, ta invitá bo pa un kombersashon orientativo.

Durante e kombersashon ta wak si un di e dos formanan di biba ta adekuá pa bo. Di kada habitante nobo ta ferwagt ku bo:

  • por hasi kosnan diario riba bo mes. Pensa riba baña, bisti paña, kome.
  • ta koperá ku un tratamentu sikiátriko. Bo ta bebe por ehèmpel bo remedi fielmente i ta purba na keda mas tantu posibel den balans i stabil.
  • ta habrí pa guia i sosten di nos hendenan. Bo ke sigui siña i desaroyá bo mes.