Kuido ofresé

Aktividat

Ik wil activiteiten doen

E sentro di aktividat Adriaan ta habrí 5 dia pa siman, di 8:00 pa 16:30, pa hende ku kehonan sikiátriko króniko òf kehonan relashoná na esaki. E sentro por risibí 70 bishitante. No solamente habitantenan di Fundashon Sonrisa ta bin e sentro di aktividat. Hopi bishitante ta biba na kas serka famia. Kada kliente ta haña un guia personal. Esaki ta yuda bo durante henter e proseso di registrá te kanselá.

Metanan

Metanan por ta:

  • Bira mas independiente. Un punto di salida importante ta pa hasi hendenan mas independiente. P’esei bo ta traha ku metanan personal, basá riba bo deseo, kapasidat i posibilidatnan.
  • Desaroyá bo mes. Bo ta siña yen abilidat pa asina por progresá.
  • Siña anda ku otronan. Bo ta siña funshoná den un grupo. Esaki ta yuda bo keda pará den komunidat i partisipá na aktividatnan sosial.

Aktividatnan

Tin un oferta amplio di aktividat ku ta duna strukturalmente. Esakinan ta aktivá bo, ta yuda bo ku tareanan diario, riba kòmpiuter i den kushina por ehèmpel. Banda di esei tin aktividatnan ku bo por mira komo aktividatnan di tempu liber i/òf un promé paso den direkshon di trabou (boluntario).
Por pensa por ehèmpel riba: lès di kòmpiuter, traha ku palu, mantené kurá, hasi obra di man, traha kos di boka dushi, deporte i moveshon, kuida kara, wateraerobics, siña konta òf papia/skibi, kushiná, traha muzik, baila, kose i traha den un tayer.

Registrá pa aktividat

Despues di risibí bo registrashon, nos ta traha un sita pa un kombersashon orientativo. Durante e kombersashon akí nos ta konta kiko ta posibel. Na mes momentu nos ta wak kiko ta bo espektativa, deseo i posibilidatnan.

Despues di e kombersashon nos ta mustra bo e lugá i kisas bo por partisipá na un aktividat pa un parti di dia. Asin’ei bo por wak kiko abo ta haña leuk. Promé ku bo kuminsá, bo ta skohe kua ta e aktividatnan ku bo ke hasi i kua ta e dianan ku bo por bin. Grandura i komposishon di a grupo ta otro tur dia. Bo por kuminsá na momentu ku …aprobá bo registrashon.