Kon nos por yuda?

E kuido ku ta ofresé por kuminsá for di un análisis diagnóstiko. Nos ta ofresé tambe yudansa ambulante.

Nos ta traha eksklusivamente ku spesialistanan riba tereno di sikiatria di mucha i hóben, manera sikiater di mucha i hóben, sikólogo, terapista i enfermeronan. Punto di salida ta ku bo yu ta haña e mihó tratamentu.

Un tratamentu por enserá kòmbersashon individual, terapia di wega, tratamentu den grupo òf di famia. Preskribí remedi por forma parti di e tratamentu. Den tur kaso ta sinkronisá e tratamentu kuidadosamente ku e situashon na kas di e mucha i e mayornan/persona ku ta kuida.

Den mayoria kaso nos ta ofresé guia, sosten i òf informashon na mayornan òf persona ku ta kuida. Bo ta haña splikashon di e diagnóstiko di bo yu, bo ta siña kon ta e mihó manera pa atendé esaki i kon solushoná sierto problema. Por ta e profeshonal ku ta guiá bo ta otro ku esun ku ta guia bo yu.

Ademas Yudaboyu ta ofresé sosten na internat, skol i otro instansianan ku diariamente ta atendé ku mucha. Esaki por ta den forma di rekapasitashon, workshop òf sosten personal.