Kuido ambulante

Mi mester di èkstra kuido na kas.

Tin ora bo mester di kuido mas intensivo pa un ratu. Pero no nesesariamente bo mester keda atmití e or’ei, bo por haña kuido intensivo tambe turesten bo ta keda biba na kas. Kuido ambulate ta nifiká ku un médiko, sikólogo òf enfermera/bruder ta bin serka bo. E tratamentu òf guia ta tuma lugá gewon na kas.

Nos ta ofresé diferente forma di kuido ambulante. Pensa por ehèmpel di kombersashon, eventual intervenshon di krísis, yudansa ku bo remedi, sikoedukashon (siña anda ku bo malesa) i guia sosial. E delaster ei ta nifiká yudansa ku asuntunan ku ta regardá mundu pafó, manera pidi i manehá ònderstant, regla bo kuido di kas i famia, bo trabou i organisá bo tempu liber, i siña relahá.
Bo ta sinti ku bo mester di kuido mas intensivo, e or’ei bo por papia ku bo dunadó di tratamentu kua posibilidat ta pas ku bo situashon. Puntra ta yuda.